【Now財經台】日本央行一如預期加息，美元兌日圓最新跌至156水平，擔唔擔心再爆拆倉潮？
獨立外匯商品分析師盧楚仁認為，現階段對日圓拆倉放下戒心係言之尚早，日央行行長植田和男日表明，只要經濟及通脹符合預期，就會繼續加息。匯市方面，日圓又升又跌，同美元互相牽制，佢認為，投資者有機會喺假期前平倉離場，由於日央行態度「鷹得嚟又有啲鴿」，有機會令以為可以拆倉嘅投資者沽返轉頭。
Jasper建議，投資者留意明年美國及日本嘅貨幣政策，包括兩國加息情況，由於美國減息會對日圓構成壓力，令其他非美貨幣被睇高一線，因此，不宜對日圓睇得太淡。
