【Now財經台】敏華控股(01999)宣布收購美國沙發公司，包括旗下Southern Motion及Fusion Furniture，消息一出，集團股價一度勁彈12%，高見4.94元，係咪反映市場對呢單Deal好受落？
王道資本及家族資產管理執行董事黃敏碩指，敏華股反應正面，原因係透過今次收購，喺當地建廠房，可以減低或避開貿易戰帶嚟嘅不明朗因素，對集團海外市場布局而言，呢單收購係利多於弊。
Michael又話，今次收購重點唔係改善資產質素，最重要係幫到公司分散業務，而推動未來收入就要靠敏華現有客戶配合，再進一步合理化市銷率(PS)，佢又估計，敏華股價短線有機會再彈高，但要留意呢隻股份比較Chok。
