【Now財經台】美國勞工統計局昨晚(18日)出咗11月消費物價指數(CPI)，按年升2.7%，低過市場預期，不過，有唔少市場分析指，通脹爆冷急降溫同政府停擺有關，原因係收集唔到數據，令數據參考價值性不足，點解讀上月CPI數據？
冠域商業及經濟研究中心主任關焯照指，經濟數據當然以最新數字為準，所以10月份數據已冇乜參考價值，美國政府11月上旬結束停擺，有足夠時間收集數據，整體通脹本身就處於一個「down trend」狀態。
關博士又話，美國通脹會逐步受控，重返一個溫和增長趨勢，CPI唔係一個政策性通脹目標，而個人消費支出物價指數(PCE)較聯儲局預期行得快，變相比多咗空間聯儲局減息。
