【Now財經台】截至早上11時止，1小時内《彭博》用戶搜尋量最多港股，依次為地平線機器人(09660)、藥明生物(02269)、農夫山泉(09633)、HashKey(03887)及中金公司(03908)。
智能駕駛概念股今日(19日)全線造好，其中，地平線機器人半日升7%，值得留意係，集團今年9月配過股，禁售期將會喺下周四(25日)屆滿，「解禁」會唔會對股價帶來壓力？
大華繼顯執行董事梁偉源認為，配股消息令地平線機器人股價一度跌至7元水平，估計當時有貨嘅投資者已經止蝕，因此，預期「解禁」唔會令股價大幅波動。
Steven又話，由於其他智駕及機械人股股價向好，加上明年人工智能(AI)及機械人發展空間仍大，近日亦有新股如「杭州六小龍」喺香港上市，呢啲消息都利好地平線機器人。
