【Now財經台】儲存晶片企業美光(Micron)季績亮麗，刺激股價昨晚(18日)一度勁升逾16%，升穿260美元，收市仍升逾10%，Micron季績幾條大數都好過預期，TipRanks表示，Micron最牛睇443美元，如果同昨晚收市價比較，仲有近80%水位，點睇Micron股價前景？
獨立分析師黃耀宗指，如果Micron繼續交到靚業績，目標價睇到400美元以上仍合理，不過，佢建議將目標價打個9折，雖然唔算係天方夜譚，但EPS(每股盈利)及預測市盈率(PE)都合理，但始終背後太多假設，Micron喺技術層面仍比競爭對手差少少，唔排除未來有價格隱憂。
