【Now財經台】渣打財富方案首席投資辦公室發表2026年環球市場展望，其中，美國標普500指數明年睇7800點，除受惠於美國總統特朗普(Donald Trump)政策外，美股明年仲有咩利好因素？
渣打北亞區投資總監鄭子豐認為，美股過去幾年表現強勢，盈利前景有驚喜及估值提升係其中兩大主因，佢估計，標指成分股明年會再受惠於盈利前景，有望升15%至16%，股息率達2%水平，而當美股基本面好過市場預期，大市自然會向上。
Raymond又話，雖然人工智能(AI)概念股會左右美股大局，但由於整體科技企業現金流非常充裕，甚至遠遠高於未來2至3年嘅資本開支，因此，市場毋須太擔心會形成AI泡沫，甚至會爆破。
