【Now財經台】日本央行召開貨幣政策會議傾加息，日本今早(19日)出爐嘅11月核心消費物價指數(CPI)，同10月持平，按年升3%，CPI數據對議息結果影響大唔大？會唔會令股匯債大幅波動？
IG集團駐澳洲市場分析師葉蔚文指，日央行今次做好溝通，行長植田和男都放晒風，話會喺短期內加息，為市場「打咗底」，首相高市早苗上台後，日圓急跌令進口通脹加劇，估計日央行明年加息步伐好大機會較慢，採取循序漸進嘅模式。
Fabien又話，若日圓突然急升會令市場擔心，但見到美元及日圓息差已經收窄，令套利誘因咗，加上去年7月及8月嘅拆倉潮當中，有唔少平倉盤，後市有再爆拆倉潮風險，但估計情況唔會好似上年咁惡劣。
