【now.com財經】噚日再次違犯街貨同地心吸力，揀咗隻恒指牛(54949)出嚟，不過都唔貪心，先用小時圖10/20線之間做Swing，即係話借小時圖10線企得住嚟出(54949)，而上望小時圖20線。
可惜盡力早出文極都真係唔夠作戰室快，到計買入(54949)時，指數已經過咗小時圖20線；按噚日mark住嘅策略指數過咗20線嘅話，就反過來用20線做下方量度線，然後向上再借上面嘅50線嚟做目標。
但係呢個位已經差不多拉晒恒指上行嘅動力。落場後再過多五分鐘有見到25,511點高位出一上影線。再去到10點45分見指數再次失守小時圖20線，喺小時圖上形成20線位出「射擊之星」，(54949)仲點可以留?
再次證明嚴守策略是重要的，因為之後指數向下碌返落去開市水平位置。喺喺大約2點5分再借五分鐘圖Slow STC(14.3)超賣觸底上行再去多次(54949)唔反對，因為作戰室都係咁做Swing Trade；前題是你可以自己操到盤嘅話。
下半場嗰一抽都真係意想不到，指數抽到上25,511點，追平返上半場見過嘅高位，(54949)彷彿得到平反。
今朝恒指開升130幾點之後有見低走，小時圖亦見指數上到保歷加頂線位，喺作戰室亦都有將上方量度線向上再移高少少。不過都唔知係下個禮拜就聖誕還是今日等日本議息，高開低走咗4分鐘之後開始發吽逗...
10點後都唔見得指數有方向，但就開始想企穩於25,600點位，同步亦有見五分鐘圖嘅保歷加通道整條向上，作戰室已經Mark住借保歷加頂線同10線向上運行。
恒指牛(60868)，收回價25,250點，同現價都有約400點距離，槓桿有約54.4倍，Lock好五分鐘圖10線夾住上，睇下接近聖誕節出唔出到Santa Claus Rally。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
