【Now財經台】8位「人工智能(AI)設計師」成為美國《時代》(TIME)雜誌2025年年度風雲人物，包括英偉達(Nvidia)行政總裁黃仁勳、Meta行政總裁朱克伯格(Mark Zukerberg)等人，並指2025年係展現AI全部潛力嘅一年，係AI發展不可逆轉嘅一年，明年AI會唔會繼續成為重點投資對象，發展前景又係點？
資深銀行家劉卓衡指，AI科技會繼續成為市場焦點，並會滲透各行各業，但相信會有於2025年嘅百花齊放，視乎公司能否保持高收入增長。
資深銀行家張泰雄表示，雖然AI依家非常高效率，但仍需琢磨準確度，以及AI幻覺等不足，相信嚟緊呢年會進一步調整。
臻享顧問董事總經理王良享就話，AI科技行業依家有過度投資基建嘅憂慮，盈利能力一定跟唔上，所以會出現淘汰潮。
