【Now財經台】美國財政部部長貝森特(Scott Bessent)曾表示，中美之間永遠存在競爭關係。地緣政治對經濟嘅影響非常大，究竟中美關係喺2026年會變得健康，還是會再惡化，兩國喺政經等範疇分歧會唔會愈來愈大？
資深銀行家王浵世估計，中美關係唔會惡化，但對立情況持續。佢又話，美國有獨大嘅野心，相信未來會繼續針對中國，而中國亦會繼續加強經濟內循環，以減少對外貿嘅依賴，又預期中美明年以打「口水戰」為主。
資深銀行家黃遠輝就表示，中美競爭係必然，中國近年嘅經濟發展已觸及美國利益，兩個會存在競爭關係，佢又相信，未來中美博弈會集中喺人工智能(AI)領域。
資深銀行家王仕雄則指出，中美明年會爭取時間及空間自我調整，其中，中國會更投入高科技發展，希望追上美國嘅進度。
