【專家分析】金融股接力撐美股牛市

【Now財經台】以國際業務為主嘅金融股，臨近年底有轉強跡象，係咪因為科技股近期表現唔掂，令資金由科技板塊轉投金融板塊？

資深投資者莫家強指，科技股依家面對2大問題，分別係估值過高及資本開支大，令股價失去支持而向下，科技股遭拋售，金融板塊就吸納咗流出嘅資金，不斷推高股價，佢又認為，由於有金融股接力，估計牛市仍未結束。

Alex又話，相對冇咁標青嘅科技公司，相信股價已經喺今個周期見頂，但佢認為，現金流強勁及前景亮麗嘅科技股，若股價回落至一個合理水平，仍然係值得吸納。