【Now財經台】Tesla股價昨晚(16日)破頂，同行政總裁馬斯克(Elon Musk)證實無人駕駛的士Robotaxi正喺奧斯汀進行測試有關。不過，摩根士丹利兩年以來，首度下調Tesla評級至「中性」，目標價睇425美元，但其他大行又對Tesla幾有信心，應睇大行對Tesla嘅睇法？
獨立股評人莫灝楠指，Tesla估值喺「科技七雄」(Magnificent 7)之中較難評估，集團收益大部分來自賣車，其餘係來自儲能業務，認為估值高係同其他原因有關。
首先，市場其實已price in咗無人駕駛成功後嘅盈利潛力，Tesla本身都賭緊一旦Robotaxi成功，可以開啟訂閱模式，向其他車廠出租全自動駕駛輔助系統(Full Self-Driving)，有唔同嘅潛在可能性。其次，Tesla估值已price in咗對馬斯克嘅個人崇拜，由於佢有電動車及儲能等成功光環，所以市場對未來嘅業務有好憧憬。
不過，Casper提醒，Robotaxi不斷延遲推出，至依家仍未有一個實質測試結果，所以好難評估對集團銷售嘅刺激作用，又認為Tesla現價確實係貴。
