【Now財經台】美國科技股近期弱勢，同Open AI關係密切嘅甲骨文(Oracle)，同埋一啲熱炒嘅人工智能(AI)概念股股價近日都跌咗唔少，如果投資者仍然想入手AI概念股，有咩因素要考慮？
易方資本副基金經理王逸研指，以Open AI為例，首先要睇付費用戶增長率係咪上升，其次要睇公司面向企業嘅業務係咪可以降低運營成本，例如最新推出嘅GPT 5.2，有潛力作為Agent賣畀金融、法律、醫療、科技等類型公司，取代佢哋嘅員工，繼而降低呢啲企業嘅成本。
Isaac建議，投資者可考慮上述因素後，再衡量係咪買入AI概念股。
