【Now財經台】美國昨晚(16日)出咗10月及11月就業及零售數據，10月非農就業職位減少逾10萬份，雖然11月有增加，但失業率升至4.6%嘅4年高位，市場對數據嘅解讀偏向負面，點評估美國就業市場前景？
富邦銀行投資策略及研究部主管潘國光指，10月零售數據差過預期，反映美國經濟有輕微向下壓力，綜合採購經理指數(PMI)亦偏弱，加大聯儲局減息壓力，但對股市嚟講，只有短暫影響，投資者宜睇中長線。
Vicks又話，聯儲局上周減息後，估計外圍年底會出現健康調整，展望明年，受政策及經濟情況影響，預期泡沫會加快形成，以服務型經濟為主嘅企業被人工智能(AI)取代嘅速度會加快，令未來就業情況持續低迷。
