【now.com財經】噚日揀咗隻恒指熊(58551)出嚟，劍指25,100至25,199點嘅重牛區。噚日出文都遲遲地架啦，成10點10分先出，作戰室一開市就掟淡倉，Hold到上半場完場前收工嘅話，已經唔止一個下午茶。
及至下半場都有預恒指步伐會比上半場慢得多，但還好指數有穿過25,100點，將重貨牛25,100至25,199栗全數收回，目標達成，(58551)亦功成身退，呢注貨平均賺幅為21.36%，多得隻熊槓桿夠高咋。
噚日入到250，今朝返嚟睇個牛熊證街貨圖，齊睇顏色都見牛證坐住好重街貨，睇埋數字仲嚇親，首五層牛證街貨每層都有過千張期指街貨喺度，往街貨方向抽嘅話...連出年條數都做埋。
不過，每朝喺作戰室都會Recap一下噚日啲日線&小時圖，見小時圖噚日1點至2點出咗低位「十字星」，之後嗰兩個鐘已經見同Slow STC(14.3)一齊觸底上，又保歷加頂線向上嘅斜度減弱，好一幅準備做觸底上行嘅Swing Trade咁。
又嚟街貨 VS 技術分析，但下面五層6,000幾張期指街貨近到咁，都真係唔食?!很難相信大行班人會放過啲重牛，之不過...無嘢啦，依家9點54分，當你見到個週線圖之後，可能你會認為啱啱指數升4x點時近貨牛唔走係佢哋嘅損失。
今日熊證收回價最貼喺255呢度，企高多少少喺25,600點做收回者有逾40倍槓桿，Day Trade絕對夠用。恒指熊(59568)，收回價25,600點，同現價有約400點距離，槓桿有約48倍，為同一收回價中槓桿最高，街貨亦都係低。
3分鐘後就10點，作戰室有戰友偷咗淡倉兩轉，出得文再到你睇完一定係10點後嘅事，就用小時圖10線做界線，如果到你睇完文再返去小時圖上見指數受制於10線以下，同時保歷加頂線都係向下(或打橫)嘅話，則有機會借10線同保歷加底線向下夾住指數落去往重牛方向走；否則自己揀隻好倉捉觸底轉角上啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
