【Now財經台】股價之前大落後嘅Tesla昨晚(16日)破頂，因為Tesla行政總裁馬斯克(Elon Musk)證實正在測試無人駕駛的士Robotaxi，有分析估計，集團市值明年底有機會升至3萬億美元。不過，競爭對手如Google母公司Alphabet旗下Waymo及Uber，都開始喺唔同區域做測試，其實Tesla呢項技術冇好大領先優勢，分析員對Tesla嘅市值預測係咪太樂觀？
泓瀚資本董事盧志威指，全球都加快無人駕駛商業化應用，估計明年會係爆發點，Tesla本身有生態鏈優勢，可以自行生產汽車，加上軟件等配合，都有助扭轉現時嘅銷售困境。
William又話，雖然Tesla股價今年表現唔突出，但估計年底及明年有機會繼續追落後。
