【Now財經台】俄烏有機會停火嘅消息令油價偏軟，一旦停火，俄羅斯嘅制裁或會解除，到時石油供應將會增加，油價最新跌至今年低位，喺每桶55美元水平上落，點預測明年油價走勢？
1uptick Analytics首席分析師杜浩霆指，不論基本面或地緣政治層面都係偏弱，由於去年已出現供過於求嘅局面，油價頂到今年底先落到55美元水平，已經盡咗力。佢又話，據美國能源資訊署(EIA)數據顯示，今年產油量繼續創新高，而石油輸出國組織及盟友(OPEC+)產量仍多，加上預期俄烏將會停火，油價55美元關口隨時會失守。
Perry又話，投資者短炒博反彈無妨，不過，一旦跌穿55美元就要止蝕。
