【Now財經台】摩根大通喺2026年展望報告中預期，美國聯邦基金利率會再下調0.25厘，之後就會暫停減息，即預期美國明年只減息1次。美國總統特朗普(Donald Trump)團隊因政府債務利息開支太大，以降低長息為目標，點睇明年美國通脹及利率走向？
資深經濟師羅家聰指，由於明年經濟受就業市場影響或會收縮，所以通脹再升溫似乎都係後話，關稅戰開打以來，期間通脹一度升至近4%水平，但其後逐步回落，佢相信明年短息政策將會更寬鬆，不過，由於長息早已回落，未來再跌空間有限。
KC又估計，聯儲局下次再減息時，U型曲線(U-curve)將「斜向倒掛」，即短息高過長息，若短息減逾1厘，長息就會跌逾0.5厘，一旦出現骨牌效應，跌勢一定會加劇。
