【Now財經台】日本央行發布嘅企業信心調查顯示，第4季大型企業製造業指數升至15，非製造業指數就維持34，遠勝預期，值得留意係，非製造業指數自2024年起，已連續多季持續企穩1991年以來高位，呢個數據可唔可以成為日央行下星期嘅加息籌碼？
獨立市場策略師陳俊文指，由於日本過去長期通縮，經濟增長緩慢，雖然通脹已連續40個月維持喺2%以上嘅目標水平，市民仍擔心通脹未來會回落，並再度陷入通縮，企業信心指數持續喺高位橫行，通縮再膨脹(Reflation)似乎都無可避免，佢相信，日央行下周有條件加息。
Norman又話，若日央行持續通脹下唔加息，會影響市民嘅消費信心，而通脹略為回落就會令市民感受到人工嘅真正升幅，繼而為日本經濟發展帶嚟動力。
