【Now財經台】恒生指數今早(16日)低開後，跌幅不斷擴大，一度瀉逾500點，恒指牛證重貨連續逾10日都喺25100點，大市近日波幅較大，好淡友應該點擺位？
胤源世創家族辦公室(香港)第一副總裁黃偉豪指，恒指近日又跌返落橫行區域水平，若短期失守25100點，年底跌幅會更大，現時可以先留意可唔可以企穩25100點水平，如果守得住，可以考慮博收回價近啲嘅牛證，如果失守又想部署好倉，可以擺遠啲，即24500點樓下。
Ravi又話，由於阻力位已經由50天線漸漸挨近100天線，即25900點水平，如果部署淡倉，可以喺呢個位或以上作為收回水平。
