【Now財經台】中央經濟工作會議提出8大任務，內需繼續排首位，內房就排最後，內地昨日(11日)出爐嘅零售、固定資產投資及工業生產數據都差過預期，反映內地經濟仍然唔太樂觀，點睇呢啲經濟數據？點解讀8大任務嘅先後次序？
滙豐環球私人銀行及財富管理亞洲區首席投資總監范卓雲指，2026年內地經濟宏觀政策重點係提振內需，穩定經濟增長，聚焦科技創新作為推動結構性增長嘅主要動力。佢又話，睇返今年9月至11月數據，反映內地經濟增長動力疲弱，固投錄得負增長，但呢方面一向係推動經濟擴張嘅動力。
Fan續稱，固投錄得負增長主要受房地產拖累，而上月一線城市新樓銷售大跌近30%，反映現時消費信心不足。
她又指，中經會強調2026年要加大投資，並要遏止及紓緩房地產市場下行情況，減少國內房地產市場新壓力對提振內需嘅不利影響，估計關措施好大機會喺明年初或第1季出台。
