【Now財經台】投資者觀望快出爐嘅經濟及就業據，美股3大指數昨晚先升後回，但聯儲局減息後，市場或憧憬美股年底會再衝高，會唔會再出現板塊輪動情況？
高富金融集團投資總監梁偉民指，美股暫時都只係正常上落，雖然近日市場再次擔心龍頭科技股表現，例如甲骨文(Oracle)、博通(Broadcom)、英偉達(Nvidia)等，股價近期都比較弱，但始終呢啲股份今年已累積咗唔少升幅，所以回返少少都好正常，市場最近可能擔心Oracle嘅人工智能(AI)投資太大，令集團財政狀況惡化及引發其他問題。
Wyman續稱，市場認為估值貴，導致股價調整係常態，估計2026年會繼續出現呢個情況，所以投資者要繼續留意情況會唔會明顯冷卻。
