【now.com財經】早前，有市場人士建議港股24小時交易，希望做多啲生意之餘，亦想提升競爭力，港股呢邊暫時未有進一步進展，但美國納斯達克交易所已經就24小時交易有動作。
據《路透》報道，納斯達克交易所已經向美國證交會(SEC)交咗文件，計劃明年延長交易時間至每日23小時，明顯為之後達至24小時全天候交易鋪路。
據新方案建議，日間交易時段維持盤前、正常及盤後3個時段，晚間交易時段會喺晚上9點至深夜12點，會被視為下一個交易日。至於交易周就由每個星期日晚上9點開始，至星期五晚上8點。
不過，華爾街大行就對呢個建議比較審慎，主要擔心3樣嘢，分別係流動性減少、股市波動性加劇，同埋投資回報唔明朗。
