【Now財經台】B仔新股華芢生物(02396)周三(17日)就會截飛，入場費過萬元，預期下周一(22日)首掛，公司核心產品係2款血小板衍生生長因子(PDGF)凝膠，主要用嚟治療燒燙傷及糖足，點睇公司前景？
《香港股票財技密碼》作者梁杰文指，可以從收入及產品賽道分析華芢，以往部分B仔股未上市或上市嗰陣已經有收入來源，但由於未商業化，所以未有收入，所以就唔可從呢方面去分析華芢。
Mike續指，賽道方面，集團核心產品係2款PDGF凝膠，主要用喺燙傷病患，值得留意係，過往有前景或升幅較大嘅B仔股，賽道都係比較闊，例如癌症等，但華芢呢類凝膠喺內地及歐美已經有唔少市場化產品，加上公司產品未商業化，亦唔知可唔可以成功商業化，所以華芢前景似乎較差。
