【Now財經台】中央經濟工作會議上周完結後，3大部委隨即發出提振消費通知文件，主要係加強商務及金融協同，值得留意係，雖然新增人民幣貸款表現略好過預期，但居民短期貨幣整體趨勢仍相當疲弱，點解貸款數字好似愈谷愈縮？
華晉證券資產管理投資總監馮宏遠指，喺內地居民立場，依家整體貸款市場，樓按佔比相當大，但內地樓市仍然捱緊，喺呢個情況下，雖然市場可能有一大筆資金可以放貸，但始終大環境仍然唔明朗，其他方面一定手緊啲，所以貸款需求疲弱都係合理。
Thomas續指，過往3至4年，唔少人貸款比重都高，態度比較進取，睇到過去1、2年唔少人主動還樓按，呢個係居民減槓桿嘅措施，估計直至2026年上半年，呢個情況都會持續。
