【now.com財經】上個星期五(12月12日)無睇到恒指，走咗去睇隻SPDR金ETF(02840)，皆因金價近期造好，推高咗佢嘅單位價格，所以揀定埋隻S金Call(21117)出嚟，只不過喺出文嗰時見單位價格都飆高咗，小時圖Slow STC(14.3)保持處於天花板位，再掟隻Call出去都有機會撞正觸頂，做Swing嘅話連線都借唔到，除非硬出或再縮到用五分鐘圖借Slow STC(14.3)超賣位落場，否則(21117)未計到佢有位出動。
其實年尾放注碼喺金度都唔錯架，至少股市收爐嘅話佢都仲有金價推得到走勢，未至於要喺股市/條指數度悶死。今朝返嚟見恒指碌258點開市，但(02840)逆市上，依家9點39分見升23元，報3,092元，(21117)如果上個星期五有硬出到而過咗夜嘅話，今朝開市就已經可以先收網，再用呢一注玩落去還是收工就你話事啦。
至於恒指方面，見指數裂口低開之後，小時圖上見指數穿返10/50/100線，同時線位亦與12月11日高位25,801點相約，剛好出25,801點位嗰日又係撞到50/100線，有要出埋「射擊之星」形態。
仲有2分鐘就10點，作戰室其實一早Mark住呢個位出淡倉，不過同時亦擔心指數開咗呢個裂口出嚟之後，日內橫行至收市；下個星期都聖誕節啦，佢仲肯郁都算係咁。
恒指熊(57091)，收回價見26,038點，同現價300點距離都無就係因為怕佢唔郁，唯有用隻貼價啲嘅貨，但收回價仍然放於26,000點以上，萬一指數上行迫近26,000點，佢都仲有時間走。槓桿有約66倍就知係Day Trade Only。
依家10點9分見指數都仲可以借25801 頂線+10/50/10線+Slow STC(14.3)觸頂向下嘅呢個小時圖而去淡倉，當然啦，咬緊啲用25,800做返上方量度線；與此同時都留意住五分鐘圖，條保歷加通道橫行返，小心Swing Trade有條件出現返，借好10線同保歷加底線啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
