【Now財經台】據《路透》引述消息報道，美國司法部指控中興通訊(00763)涉嫌喺南美及其他地區，違反《海外反腐敗法》(Foreign Corrupt Practices Act)，集團今日(11日)中午出通告，指正跟美國司法部溝通，又話會透過法律手段維持自身權益，中興股價午後跌勢加劇，一度瀉逾13%，低見27.38元，中興A股亦曾經跌停，點解中興回應後跌得仲多？
艾德金融執行董事陳政深指，中興呢份通告的確令市場恐慌，後果亦會好嚴重，因為美國司法部告完刑事後，美國證交會(SEC)可以再告民事，好少有公司會同司法部糾纏，一般都會用錢擺平，但會好影響公司現金流及盈利。
Ryan又話，市傳中興或面臨10億美元罰款，甚至20億美元，中興去年盈利逾80億人仔，就算只係畀10億美元，已等同去年白做，所以市場一嘅憂慮係合理。佢直言，若中興真係糾纏到最後，最終金額可能更高。
