【Now財經台】市傳內地電訊設備製造商中興通訊(00763)或因涉嫌海外行賄，面臨10億美元罰款，中興股價今日(11日)一度急挫近10%，熱門中興CALL行使價近39元，價外逾30%，槓桿只有2倍至3倍，如果想博反彈，條款應該點揀？
中信證券國際股權衍生品銷售聯席董事李佳原指，中興呢類高波幅股份，投資者唔應該輕視2至3倍槓桿，例如今朝都好波動，所以2倍至3倍槓桿其實都足夠。
Sam又話，雖然中興短線受負面消息困擾前景不明，但睇返中線走勢，29元水平係過去10年嘅關鍵阻力，今年藉人工智能(AI)熱潮成功突破後，依家回調至呢個水平，之前嘅阻力有望轉化為支持，係做中線部署嘅入場好時機，建議投資者可留意行使價約38元，明年底到期嘅條款。
