【now.com財經】HKTVmall母公司香港科技探索(01137)兩年幾前，喺英國曼徹斯特開咗第1間無人店「In:Five」，但原來已經低調結業。
「In:Five」上星期喺官方IG宣布停運消息，公司發布嘅短片更用「R.I.P.」形容，不過，位於曼徹斯特MediaCity(媒體城)嘅分店依家仲邀請用家測試，「In:Five」關閉後，英國只剩返MediaCity一間分店。
值得留意係，有傳媒今年2月曾經報道，MediaCity分店當時已邀請用家測試，據公司最新講法，即係做咗測試10個月，仲未正式開業。
香港科技探索股價今日(8日)受壓，一度低見1.42元，跌2%，暫時成交逾28萬元。
