【Now財經台】本周有5家央行將會議息，市場預期，美國聯儲局喺今年最後1次議息會議，市場估計，再減息0.25厘嘅機會高達90%，點評估美息明年走向？
花旗銀行投資策略及資產配置主管廖嘉豪認為，雖然美國經濟及消費呈「K字型」增長，係一個唔平衡嘅狀況，但由於美國經濟有唔同嘅投資支持，加上美股及科技股今年造好，帶動相關財富效應上升，令美國國內生產總值(GDP)表現唔錯，佢認為，聯儲局本周減息壓力主要來自勞動市場，估計有機會出現「鷹派減息」結果。
展望明年，Ka指出，下周二(16日)嘅11月就業數據，失業率有機會升至更高水平，職位削減數字及持續申領失業救濟數字上升，因此，要小心2026年1及月3月可能會減息，為股債及美元帶嚟嘅潛在影響。
