【Now財經台】金監總局下調險企股票投資風險因子，刺激內險股今日(5日)大升，其中，獲摩根士丹利唱好嘅中國平安(02318)今日(5日)一度大升6.7%，高見60.45元，有份支撐大市。平保進行內部改革後，前景係咪轉趨樂觀？
王道資本及家族資產管理執行董事黃敏碩指，平保由長期落後追返上嚟，雖然仍未跑嬴其他個股，但總算收復今年失地。佢又指，平保依家多咗其他新業務機會，收入貢獻有望增加，繼而提升股本回報率，所以平保前景算正面。
Michael又話，雖然平保業績之前受市場拖累，但依家做埋資產管理，當股市向好就可以受惠，而槓桿效應更可以令業績錦上添花。佢相信，由於市場睇好資產管理業務可擴闊業務範疇，而集團分散投資組合，走向多元發展，競爭力自然較同業大。
