【Now財經台】美國半導體大廠美光(Micron)周三(3日)突然宣布，終止旗下記憶體品牌Crucial嘅消費產品業務，未來會集中資源強攻人工智能(AI)嘅高寬頻記憶體(HBM)，呢單消息短中期會對動態隨機儲存記憶體(DRAM)有咩影響？
獨立分析師黃耀宗認為，由於市場上多家半導體大廠都有DRAM庫存，今年亦有唔少電腦公司預先搶購記憶體產品，所以DRAM價格喺美光呢單消息公布後未必會急升。佢估計，若短缺情況比預期嚴重，DRAM價格就有機會失控。
Andy又相信，市場短線未必會有太大憧憬，中線部署方面，只要未來AI仍有需求，美光今次轉型就可以帶動業務增長。
