【now.com財經】2025年即將完結，港股喺年底交投明顯轉趨淡靜，但今日(5日)仍有兩隻新股趕搭「尾班車」上市，當中包括喺上市前夕爆出預製菜風波嘅遇見小麵(02408)，據內媒報道，有公司前員工喺社交平台爆料，指「確實80%都係預製」，但官方否認「只需準備剪刀及微波爐即可」嘅講法，遇見小麵繼昨日(4日)暗盤「潛水」後，今朝首掛亦受壓。
遇見小麵開市報5元，較招股價7.04元，低近29%，見咗暫時低位，最新報5.19元，暫時成交逾7000萬元。若以暫時即市低位計，每手500股，不計手續費，一手帳蝕約1000元。
