【Now財經台】波羅的海乾散貨指數(BDI)連升15日，已升至2年高位，更帶動唔少航運股造好，其中，太平洋航運(02343)股價今日(4日)一度升6%，高見2.8元，點睇運價前景？想揀航運股又應該點揀好？
艾德金融執行董事陳政深指，指數升得咁勁因為有幾個原因同時出現，一方面乾散貨受季節性需求推動，另一方面新興市場基建煤、礦運量升，令日租租金高，帶動運費一齊上。
Ryan又話，太航財務狀況健康，手上船隊年齡偏年輕，加上公司派息政策穩定，而航運股屬周期性股份，除咗睇息率，更要留意全球經濟、貿易政策同地緣政局3個因素，建議投資者認真考慮後再炒。
