【Now財經台】日本央行今個月加息預期近期突然升溫，機率最新升至近80%，帶動日債息及日圓向上，12月加息機會係咪愈來愈大？日圓年底前會點走？
鴻鵠資產管理行政總裁陸庭龍指，日本首相高市早苖推出嘅逾21萬億日圓經濟刺激方案，會令財赤進一步擴大，亦會推低日圓，若匯價進一步貶值，雖然美國向日本徵收嘅關稅唔算多，但如果日圓貶值8%至9%，其實係對沖咗關稅影響，所以日本政府都唔希望日圓跌得太殘。
Alan續指，日圓或會見160水平，其實日央行喺干預問題上已經出咗聲，但如果等到見160先出手，市場波動性會較大，依家日圓喺157水平，而加息只係遲早問題，加上中日關係有變，日圓唔會太弱應該係日央行短期目標。
