【Now財經台】萬科企業(02202)債務問題近日再度成為市場焦點，雖然公司係民企，但有國企背景，因為大股東係深鐵集團亦有支持萬科，但集團周初突然要求延期還債，點睇萬科嘅債務危機？
廣東省地產商會副會長尹德輝認為，唔應該用常理去解讀萬科嘅操作，內地企業好多時只交代表面嘅事，內部運作未必會講到出面，佢估計，萬科今次係故意「嗌救命」，對外講到形勢好差，希望各方見到呢個「慘況」唔會追債追得太緊，相信萬科今次只係「出口術」自救，公司情況應該未去到太差。
尹德輝認為，直接還債未必可以真正解決問題，反而要增加銷售及出售部分資產減債，再加埋中央出手制定政策，先可以令公司未來有健康增長。
