【now.com財經】噚日揀咗隻恒指牛(66991)出嚟，出文後都11點，仲見到指數企於小時圖10線之上，(66991)落得場。
又(66991)槓桿有返咁上下高，所以即使用嚟做Day Trade，用返五分鐘圖見超買位走好倉嘅方法去做嘅話，平均都可以執到13格或27.37%。
做咗作戰室都好幾年，經常都會收到一啲問題，大致都係講到自己有時會出現「左一巴、右一巴」嘅情況，問有無啲咩解救或預防方法等等。方法當然有，仲要係大同小異添，只不過係稍為Trader本身嘅Schedule嚟嘗試改變一下個策略、用嘅產品同時軸圖，睇吓有無好轉。
其實作戰室成立嘅目的，齊上齊落係其次，重點係戰友們可以有一個機會認清自己喺落場出現嘅一啲問題，仲會坦白咁將個情況講晒出嚟，再尋求一個扭返啱方向嘅正確方法；而並非一味大注轟、大注買，買到現BJ咁，覺得只要有一鋪回本就可以；又或者只係聽人講買乜買乜，一啲功課都唔自己去做，連最基本嘅問題都未認清嘅時侯，學咩人講改善、講進步?!
落場做買賣其實離不開兩樣嘢：Trading嘅方法同你自己嘅心態。前者好易搞，不論係睇財務報表、公司往績同股價嚟計價值投資，還是用唔同時軸圖再加幾款技術分析Corss Over咁去睇圖嘅圖表派，呢啲資訊一地都係，只要你用得啱就可以。
後者，心態問題方就要靠自己。作戰室嘅宗旨係安全至上，寧願企遠啲、注碼細啲，控制風險大於賺取盈利(risk management > TAKE PROFIT)，對於一個Trader嚟講，保持穩定嘅正數，即使可能只是格仔數，但儲儲埋埋就會變大數，亦先至係長玩長有嘅方法。
但如果你係一個好貪婪嘅Trader，純綷賭運氣、功課唔做、盲目聽從嘅話...我見過好多，最後都連個人都唔知去咗邊。
所以，不論喺唔喺作戰室嘅你都好，一旦發現問題出現嘅話，只要能認清問題，對症下藥，以避免再犯同樣嘅錯嘅話，係減低損失嘅同時亦會慢慢增加勝算。
連個問題都未搞清楚，唔識又唔問嘅話...瞓啦!(XX!)
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
