【Now財經台】港股升勢持續，恒生指數今日(25日)一度重上26000點，板塊方面，智駕相關股表現突出，月初上市嘅文遠知行(00800)派咗上市後首份季度成績表，收入按年大升1.4倍，值得留意係，季度虧損收窄至3億人仔，點睇呢份成績表？
元宇證券大中華區股票投資總監趙晞文指，規模效益對提供智駕服務嘅營運商最重要，雖然文遠知行上季收入達1.71億人仔，但仍未做到規模效益，無法攤薄固定成本，因此，市場預期最快要2至3年後，才有望扭虧。
他又指，依家智駕服務只係獲准喺內地個別一線城市提供，海外市場亦只係剛起步，所以未來要留意文遠知行嘅收入規模可唔可以加快增長。
