【Now財經台】截至早上11時止，過去1小時內《彭博》搜尋量最多港股，依次為小米集團(01810)、優必選(09880)、阿里健康(00241)、創科實業(00669)、西部水泥(02233)。
小米出完業績後，市場關注集團成本上升問題，記憶體價格不斷上升，例如美股半新股閃存供應商SanDisk(SNDK.US)，上市唔夠1年，股價已累升5倍，令小米成本及盈利被蠶食，呢個因素會唔會對小米造成較大威脅？
富途證券首席分析師譚智樂指，小米放榜後跌得比較多，因為市場對小米汽車安全性存疑，加上手機冇加價，意味公司要「啃咗」記憶體價格上漲帶嚟嘅額外成本。此外，小米市佔率、記憶體成本及毛利率都令市場擔心。
Arnold又指，雖然小米毛利率受壓，但收入仍有得升，所以投資者暫時唔使對小米睇得太悲觀，短線要留意喺創辦人兼行政總裁雷軍增持下，會點改變市場對小米嘅睇法。
