【Now財經台】恒生指數上周累跌逾1300點，錄得4月以嚟最大單周跌幅，外圍仍然有好多不確定性，包括減息、中日關係緊張等，恒指上周失守100天線後，會唔會下試25000關？此外，信達生物(01801)大熱「染藍」，但近年季檢威力細咗好多，港股通潛在「新貴」係咪更值得關注？
星展銀行(香港)豐盛私人客戶執行董事鄧威信指，依家距離25000點都唔係好遠，睇返估值相信呢個位置會有支持，但如果大市要重拾升勢，始終要靠企業盈利。佢又估計，資金會重返一啲業績好嘅股份，例如科技股。
Wilson認為，恒指成分股仍然係一個唔錯嘅指標，股份納入指數後，一啲被動型基金一定要買返啲成分股，做Rebalancing嘅影響都比較短暫，又話...
