【now.com財經】噚日揀咗隻恒指熊(55076)出嚟，唔係直出嘅，係要等五分鐘圖Slow STC(14.3)去返超買見觸頂，或者喺五分鐘圖嘅10/20線前見指數唔過而出動。
其實噚日出文時間比較遲，無計作戰室準備收第一個淡倉網，而出文後11點左右指數都發生咗個小插曲，忽然1分鐘之後反抽升返過百點後再向下狂縮，條上影線佔咗半層保歷加通道，大上大落後指數行出三角形嚟chok返定，呢啲時侯都真係舉高雙手表示：呢單嘢唔係我跟開，我咩都唔知。
指數就係被呢一下推返上五分鐘圖中軸線之上，由於Slow STC(14.3)未上到超買位所以未見超買觸頂下行；同時指數亦無喺10/20線見阻力，只係午後向下瀡返落去時過線，唯午後過中軸位亦只得半層保歷加通道/Slow STC(14.3)只係中軸轉向下，唔中出(55076)之前定落嘅出貨訊號，所以(55076)按策略係無出到，你自己出另計；仲要如果過埋夜嘅話，咁就真係恭喜你！事關今朝指數往下衝到落25,283點(截至9點53分止嘅低位)，牛證首三層街貨全數被收回，當中包括25,400至25,499點嘅第二重貨區同25,300至25,399點嘅第三重貨區，呢度已經有相當於4,085張期指街貨。
作戰室今日第一注淡倉都已經完晒，大家都等緊10點後嘅小時圖，皆因暫時見小時圖上有似出低位「錘頭」嘅物體出現，再加上小時圖本身Slow STC(14.3)出緊觸底上，又想出好倉呢?!
作戰室都有Mark住做反手嘅手能，但保守啲，過到今朝開市價個位/10線守得住先至出返好倉，否則繼續向下殺重牛。
都比多份功課戰友做，大家都一齊做。就係記多一個位：週線圖20線(25,644點)，如果今日指數企唔住週線圖20線的話，下方重牛收佢都應該係遲早嘅事。
今日跌400幾點出Put嘅話啲引伸應該抽高晒，太近嘅熊隨時唔覺意過夜嘅話，下個星期一返嚟變咗重貨區又唔抵，咁用熊證但企遠一級嚟避開呢兩個雷。
恒指熊(55659)，收回價26,100點，同現價有約680點距離，槓桿有約32.2倍，小時圖企唔穩返上今朝開市位或者五分鐘圖10線嘅話，都出得架啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
