【now.com財經】雖然本港經濟及零售業仍面對唔少挑戰，但今年7月進軍香港，喺銅鑼灣開咗第1家店舖嘅日本生活雜貨品牌3COINS，繼續加碼投資香港，第2分店明年就會「出世」，而香港官方網店亦全面啟動。
銅鑼灣3COINS係集團「海外第1店」，開幕首日即打破公司1994年成立以嚟單日銷售紀錄，係唔少「小資族」熱捧品牌之一，集團亦食住個勢，喺登陸香港僅7個月後，宣布再開舖，新店選址出名人流多嘅葵芳新都會廣場。
此外，3COINS「名物」迷你相機(Mini Toy Camera)，將會推出「港版晨曦色」，係全球獨家限定，即日起可以喺官網預訂，明年第1季正式開賣，集團話係答謝香港人對公司嘅熱烈支持。
