【now.com財經】噚日揀咗隻恒指熊出嚟，Mark住小時圖如果見到指數喺小時圖10線遇阻嘅，先至小注出動。
以10點後小時圖10線水平為26,035點計，即大約喺10點40分左右見指數上到線前但企唔到向下，連同五分鐘圖都比到上影線出嚟，呢注熊證推出去，一推推到過Lunch再到收市前都唔見指數上返小時圖10線，唔過夜計收市前清貨都有23.08%正數收。
不過噚日作戰室爬格仔有難度，五分鐘圖上會睇得比較清楚，都係一兩注淡倉去完之後，指數大部份時間都處於橫行狀態，等嘅時間多過Trade。
今朝開個牛熊證街貨圖出嚟睇，見到啲牛熊街貨比例肉眼見到都失衡，啲牛肥過A5、但啲熊瘦過日本嗰啲，重熊先得嗰4XX張期指街貨，唔駛出重重貨牛，真係求其一層牛證街貨都多過重貨熊，完全反映晒恒指四連跌之後，大家捉轉角嘅心態。
依家9點17分，未完U時望下期貨，見到都係出綠燈，仲推返上26,000點樓上，所以都喺小時圖上畫定啲量度線放喺作戰室上面，好等大家拎住個圖嚟量住線。
又咁講，連個日線圖指數都開始貼近保歷加底線，Slow STC(14.3)亦愈來愈近超賣位，咁大堆牛坐住喺度等升都真係理解嘅，所以今朝指數開市比返盞綠燈，仲衝上26,046點，剛好等同喺作戰室用小時圖量度量度線嘅第一條線，所以今日作戰室都係以淡倉作為第一注，Hold到依家10點26分見指數一度倒跌，見好即收之下，先取今日第一注正數。
現時指數擺位重新再向下方牛證方向走，今日第一層為25,700至25,799點，而依家仲有大約30點左右就入到呢層。擺位上，指數目前穿住小時圖10線，係未確認到過10線重新再向下。
依家10點35分，指數都已經行到入第一層牛證街貨，乜技術都壓到落地牢。但以指數擺位仍然近下方牛證街貨嘅同時，上方熊證都仲係好遠，淡倉如恒指熊(55076)都真係要繼續比出嚟，最多等Slow STC(14.3)上返超買位或者指數喺五分鐘圖見10/20線出阻力先至出動。
唔偷呢度時間而出好倉係因為怕出得文再睇完之後，都已經偷完啦。
補多槍，(55076)收回價見26,500點，同現價有約600點距離，槓桿有約36.5倍，即使係近下方牛證街貨層，但始終都要小心指數忽然觸底好。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有
