【Now財經台】英偉達(Nvidia)昨晚(19日)出咗業績，上季盈利及收入都好過預期，第4季指引亦強勁，刺激股價盤後衝高5%，更重要係，呢份業績可暫時釋除市場對人工智能(AI)泡沫嘅憂慮。科網股後市係咪可以睇返好？呢份成績表喺全球AI發展方面又畀到市場咩啟示？
證券業人士溫天納指，Nvidia上季盈收增長都超過60%，值得留意係數據中心業務表現，因為佔整體營收好大比重，某程度反映AI相關增長扎實，對全球AI概念都有一個支撐作用。佢又話，Nvidia第4季指引強勁，預視AI市場今季表現會較穩定。
科技股方面，佢認為，Nvidia業績效應係咪會喺AI、晶片及半導體板塊同步反映，如果真係出現呢個情況，將會對美股有支持，但溫天納提醒，AI板塊估值已經唔平，到底仲可以吸到幾多資金？又話...
