【依家唱Yen最抵？】日圓兌港元一度跌穿「5算」

【now.com財經】打算去日本旅行嘅港人，依家可能係唱平Yen嘅好機會，因為日圓持續貶值，今早(19日)一度跌至155.73兌美元，跌至9個月低位，而每百日圓兌港元更失守「5算」。

日圓持續疲弱，日本財金官員再「出口術」，指十分關注匯市波動情況，令日圓一度反彈。

有分析指，由於中日關係惡化，日圓短期好大機會繼續受壓，但中長線將會因美國聯儲局減息等因素回升。