【Now財經台】截至早上11時止，過去1小時內《彭博》搜尋量最多港股，依次為中國宏橋(01378)、聯想集團(00992)、小米集團(01810)、新世界發展(00017)及華虹半導體(01347)。
宏橋昨日(18日)收市後傳來配股消息，集團今朝(18日)出通告，確認以「先舊後新」方式配股，配股價29.2元，較昨日(17日)收市價，折讓近10%，集資逾百億元，值得留意係，跟昨日(17日)市傳嘅配股條款比較，配股價相同，但涉及股數由3.2億股，變成4億股。
大華繼顯執行董事梁偉源指，過去1年，宏橋股價不斷向上，加上貴金屬及鋁需求、價格上升，以及市場預期美國息口持續向下，唔少投資者都想趁股價大幅回調時買入宏橋，因此，今次配股股數較預期多。
Steven又指，配售文件未有提及係咪純舊股減持，通告亦冇提及主要股東沽貨，所以呢4億股應該係全部透過「先舊後新」安排去做，反映投資者對宏橋及鋁業務相關公司有較大興趣。
