【Now財經台】美國聯儲局副主席杰斐遜(Philip Jefferson)指，應對進一步減息審慎行事，市場對12月減息預期不斷降溫，拖累美股3大指數昨晚(17日)全線向下，其中，道指瀉逾500點。據CME「美聯儲觀察」最新數據顯示，12月減息0.25厘嘅機會降至唔夠一半，下月減息機會係咪愈嚟愈細？
星漢資產管理行政總裁王榮昆估計，美國12月未必會減息，雖然有兩名聯邦公開市場委員會(FOMC)有話語權嘅理事支持減息0.25厘，佢未必足以扭轉局方傾向唔減息嘅決定。
James又指，美國民眾對就業及經濟前景唔係太擔心，但覺得物價貴，尤其必需品及租金物價不斷上升，由疫情到依家一直冇停落嚟嘅跡象，相信聯儲局依家會偏向控制通脹，唔係減息。
