【Now財經台】GEM板公司靖洋集團(08257)今日(17日)復牌，股價一度逆市飆逾80%，應該同一個消息有關，集團獲美資集團Watlow Electric Manufacturing提私有化，每股作價0.245元，較停牌前有87%溢價，點解靖洋會被美國公司睇中？
《香港股票財技密碼》作者梁杰文認為，提出收購嘅美企係半導體行業一份子，近年爆發人工智能(AI)熱潮，對半導體需求有增無減，靖洋業績亦受惠好轉好，所以成功吸引美資提出以高溢價私有化。
Mike又話，雖然半導體行業盈利受制於周期變化，表現唔太穩定，毛利率又易受壓，導致估值偏低，不過，近年AI改變咗行業格局，預期半導體行業未來會持續高增長。佢又認為，今次出價十分理想，估計靖洋私有化係十拿九穩。
