【Now財經台】機器設備股津上機床中國(01651)今日(13日)中午出咗中期業績，收入按年增長26%，溢利按年增長47%至5億人仔，係歷來最多嘅半年，公司指出，收入上升主要受惠於內地經濟回暖，公司係咪食正行業需求，前景係咪可以繼續睇好？
耀才證券研究部總監植耀輝指，津上機床展望正面，對下半年收入及發展有信心，加上公司自上半年以來一直保持樂觀，呢個心態都係業績表現理想嘅主因之一，因為有呢個底氣，短期而言，業績表現仍然樂觀。
Stanley又指，精密機床設備主要用於新能源車、人工智能(AI)等範疇，而呢啲都係內地未來大熱及受扶持嘅板塊，喺商機較大下較易帶動股價。
