【Now財經台】中美周日(26日)喺馬來西亞進行一連兩日嘅經貿磋商，大豆、稀土呢啲重要議題都有進展，美國稀土股昨晚(27日)大跌，主要受中國延年1年實施稀土出口管制措施，呢類股份之前大升，主要係憧憬美國政府可能會入股相關企業，點睇稀土股後市？
星漢資產管理行政總裁王榮昆指，中美喺稀土問題上嘅角力可能再拖多1年，因此，美國會將稀土產業鏈搬返去當地或盟友國家，佢認為，呢個行動唔會因中美達成共識而停止，因為資源對美國嘅重要性逐漸提升，所以美國喺呢段時間會做好多準備功夫。
James又話，美國政府投資稀土企業時，要求採用雙贏投資條款，加上稀土企業要達至特定業績目標，以及股價上到特定水平，美國政府先會進一步投資，協助加速本土稀土產業鏈發展，因此，佢認為美國稀土股可作中長線投資。
